Think Ravenshaw: April 2021

ଆମେ ସର୍ବପ୍ରଥମେ ଓ ଅନ୍ତରେ ଭାରତୀୟ ଅଟୁ ।ଏହି ଭଳି ରାଷ୍ଟ୍ର ଭକ୍ତି ର ଉକ୍ତି କହି ଥିବା ବ୍ୟକ୍ତି ଆଉ କେହି ନୁହନ୍ତି ସେ ହଉଛନ୍ତି ଡ . ଭୀମରାଓ ରାମଜୀ ଆମ୍ବେଦକର।ତାଙ୍କୁ ସମସ୍ତେ ବାବାସାହେବ୍ ନାରେ ଜାଣନ୍ତି । ସାମାଜିକ ସମରସତା ପାଇଁ ସଂଗ୍ରାମ ଏବଂ ଭାରତୀୟ ସମ୍ବିଧାନର ପ୍ରଣୟନ ତାଙ୍କର ପରିଚୟ । ବାବାସାହେବ ଭାରତୀୟ ନ୍ୟାୟ ବ୍ୟବସ୍ଥା ଓ ଅର୍ଥନୈତିକ ନୀତିର କର୍ଣ୍ଣ ସୂତ୍ରଧାର ।୧୪ଏପ୍ରିଲ ୧୮୯୧ରେ ମଧ୍ୟ ପ୍ରଦେଶ ସ୍ତିଥ ଏକ ମିଲିଟାରୀ କ୍ୟାମ୍ପରେ ତାଙ୍କର ଜନ୍ମ ।ଏକ ଦଳିତ ମରାଠୀ ପରିବାର ଜନ୍ମ ନେଇଥିଲେ ବାବାସାହେବ।ତାଙ୍କ ବାପା ବ୍ରିଟିଶ ଅଧିନସ୍ଥ ମାହାର ରେଜୀମେଣ୍ଟ ରେ ସିପାହୀ ଥିଲେ ।ବିଦ୍ୟାଳୟକୁ ଅଧ୍ୟୟନ ପାଇଁ ଯିବା ସମୟରେ ସେ ସମାଜରେ ଥିବା ଜାତିପ୍ରଥା ବିଷୟରେ ଅନୁଭବ କରନ୍ତି ।ତାଙ୍କୁ ସାଧାରଣ ଛାତ୍ର ମାନଙ୍କ ସାଙ୍ଗରେ ନ ବସାଇ ବାହାରେ ବସେଇ ଦିଆଯାଏ ଓ ଏହାର କାରଣ ପଚାରିବାରୁ ସେ ଛୋଟ ଜାତିର ବୋଲି ତାଙ୍କୁ ଉତ୍ତର ଦିଆଯାଏ ।

ଏହି ଘଟଣା ତାଙ୍କ ମନରେ ଏକ ଦ୍ୱେଷ ମନୋଭାବ ତିଆରି କରେ ଏବଂ ସେ ବମ୍ବେ ସ୍ତିଥ୍ ଏଲ୍ଫିନଷ୍ଟୋନ ବିଦ୍ୟାଳୟ ଏବଂ ଏଲ୍ଫିନ୍ନଷ୍ଟନ ମହାବିଦ୍ୟାଳୟରେ ନିଜର ଅଧ୍ୟୟନ ସମ୍ପୂର୍ଣ୍ଣ କରନ୍ତି ।୧୯୧୨ମସିହାରେ ସେ ଅର୍ଥଶାସ୍ତ୍ର ଓ ରାଜନୀତି ବିଜ୍ଞନରେ ସ୍ନାତକ ସମ୍ପୂର୍ଣ୍ଣ କରନ୍ତି ।ବରୋଦା ରାଜାଙ୍କ ସହଯୋଗ ଏବଂ ବରୋଦା ରାଜ୍ୟ ମେଧାବୃତ୍ତି ଜରିଆରେ ସେ କଲମ୍ବିଆ ବିଶ୍ଵବିଦ୍ୟାଳୟ ,ଆମେରିକା ଯାଇ ନିଜର ପିଏଚଡ଼ି ସମ୍ପୂର୍ଣ୍ଣ କରି ଭାରତ ଫେରି ଆସନ୍ତି ।ବାବା ସାହେବ୍ ପ୍ରଥମେ ଏକ ପରାମର୍ଶ ଦାତା ଭାବେ କାମ କରୁଥିଲେ ଏବଂ ସେ ଛୋଟ ଜାତିର ହୋଇଥିବାରୁ ତାଙ୍କୁ ଏହି କାର୍ଯ୍ୟରେ ମଧ୍ୟ ସଫଳତା ହାସଲ ହୋଇ ନଥିଲା।ଏବେ ବାବା ସାହେବ ଓକିଲାତି କରିବାକୁ ନିଷ୍ପତି ନେଲେ ଏବଂ ଦଳିତ ମାନଙ୍କ ପାଇଁ ଓକିଲାତି କରିବା ଆରମ୍ଭକରିଥିଲେ ।ଦଳିତ ଛାତ୍ର ମାନଙ୍କ ପାଇଁ ସେ ଏକ ପ୍ରତିଷ୍ଠାନ ଖୋଲିଲେ ଓ ସେଇଠୁ ଆରମ୍ଭ ହେଲା ଜାତି ପ୍ରଥା ବିରୁଦ୍ଧରେ ବାବା ସାହେବଙ୍କ ଆନ୍ଦୋଳନ ।୧୯୩୨ ମସିହାରେ ବ୍ରିଟିଶ ମାନେ ଦଳିତ ବର୍ଗ ପାଇଁ ଏକ ସ୍ଵତନ୍ତ୍ର ନିର୍ବାଚନ କରାଇବା ପାଇଁ ନିଷ୍ପତି ନେଲେ ।ଯାହା ବିରୁଦ୍ଧରେ ଗାନ୍ଧିଜୀ ଧାରଣା ଦେଲେ ଏବଂ ବହୁତ୍ ଚର୍ଚ୍ଚା ବିମର୍ଶ ପରେ ପୁନା ଚୁକ୍ତି ସ୍ବାକ୍ଷର କରାଗଲା ।ଚୁକ୍ତି ଅନୁଯାୟୀ ନିର୍ବାଚନରେ ଆରକ୍ଷଣ ଆରମ୍ଭ ହେଲା ।୧୯୩୫ ମସିହାରେ ବାବାସାହେବ ବମ୍ବେ ଆଇନ ମହାବିଦ୍ୟାଳୟର ଅଧ୍ୟକ୍ଷ ଭାବରେ ନିଯୁକ୍ତି ପାଇଲେ।୧୯୫୨ ମସିହାରେ ଲୋକସଭା ନିର୍ବାଚନରେ କଂଗ୍ରେସ ପ୍ରାର୍ଥୀ ନାରାୟଣ କାଜ୍ରିଓଲକରଙ୍କ ଠାରୁ ବାବା ସାହେବ୍ ପରାସ୍ତ ହେଲେ । ପୁନର୍ବାର ୧୯୫୪ ରେ ନିର୍ବାଚନରେ ପରାସ୍ତ ହେବା ପରେ ସେ ରାଜ୍ୟସଭା ସଦସ୍ୟ ହୋଇ ଭାରତର ପ୍ରଥମ ଆଇନ ମନ୍ତ୍ରୀ ଭାବେ ମନ୍ତ୍ରୀମଣ୍ଡଳରେ ସ୍ଥାନ ପାଇଲେ । ଏବଂ ତାଙ୍କୁ ସମ୍ବିଧାନ ପ୍ରଣୟନ ସମିତିର ଅଧ୍ୟକ୍ଷ ଭାବରେ ନିଯୁକ୍ତି ଦିଆଗଲା । ଆମ୍ବେଦକରଙ୍କ ପ୍ରଣୟନରେ ସାମାଜିକ ସମର ସତା,ନାଗରିକ ପାଇଁ ସମାନ ଅଧିକାର, ଛୁଆ ଅଛୁତ ପ୍ରଥରୁ ମୁକ୍ତି ଉପରେ ଗୁରୁତ୍ବ ଦିଆଯଇଥିବାବେଳେ ବାବାସାହେବ ନାରୀ ମାନଙ୍କ ସାମାଜିକ ଓ ଅର୍ଥନୈତିକ ଅଧିକାର ପାଇଁ କଠିନ ସଂଗ୍ରାମ କରୁଥିଲେ । ଅନୁସୂଚିତ ଜାତି, ଜନଜାତି,ଅନ୍ୟ ପଛୁଆ ଜାତି ପାଇଁ ଆରକ୍ଷଣ ଦେବା ସହିତ ତାଙ୍କ ପାଇଁ ସରକାର ଚିନ୍ତା କରନ୍ତୁ ବୋଲି ବାବାସାହେବ ବିଚାର ରଖୁଥିଲେ ଯାହା ପରବର୍ତ୍ତୀ ସମୟରେ ଲାଗୁ ହେଲା ।ବାବାସାହେବ୍ ଧାରା ୩୭୦ କୁ ତୀବ୍ର ବିରୋଧ କରୁଥିଲେ ।ଜମ୍ମୁ ଓ କାଶ୍ମୀରକୁ ଭାରତକୁ ଅଭିନ୍ନ ଅଙ୍ଗ ବୋଲି ମାନିବା ସହ ସ୍ଵତନ୍ତ୍ର ପାହ୍ୟା ନ ଦିଆଯାଉ ବୋଲି ବାବାସାହେବ ମତ ରଖୁଥିଲେ ।ତାଙ୍କ ବିରୁଦ୍ଧରେ ଯାଇ ଏହି ନିଷ୍ପତି ନିଆଯାଇଥିଲା ତେଣୁ ସେ ଦୁଃଖ ପ୍ରକାଶ କରୁଥିଲା ।Uniform Civil Code କୁ ଲାଗୁ କରାଇବା ବାବାସାହେବ ଯୁକ୍ତି ବାଢ଼ିଥିଲେ କିନ୍ତୁ ଏହା ହୋଇ ନଥବାରୁ ସେ ତାଙ୍କ ପଦବୀରୁ ଇସ୍ତଫା ପ୍ରଦାନ କରିଥିଲେ । ତତ୍କାଳୀନ ରାଜନୈତିକ ଉଦ୍ଦେଶ୍ୟ ତାଙ୍କୁ ତିକ୍ତ କରିଥିଲା ଏବଂ ତାଙ୍କ ସ୍ବାସ୍ଥ୍ୟ ବିଗିଡ଼ିବା ଆରମ୍ଭ ହେଲା ।୬ ଡିସେମ୍ବର ୧୯୫୬ ମସିହାରେ ସେ ଦେହ ତ୍ୟାଗ କରିଥିଲେ ।

ବାବାସାହେବ୍ ଆମ୍ବେଦକରଙ୍କ ଭାରତୀୟ ଆଇନ ବ୍ୟବସ୍ଥା ଓ ଭାରତୀୟ ସମ୍ବିଧାନ

ପାଇଁ ଅଂଶ ଅତୁଳନୀୟ ଅଟେ ।କିନ୍ତୁ ଆଜି ତାଙ୍କ ନାଁରେ ଜାତି ରାଜନୀତି ଜୋର ଧରିଛି ।ସାମାଜିକ ସମରସତାର ବାର୍ତ୍ତା ଦେଉଥିବା ବାବାସାହେବ ରାଷ୍ଟ୍ର ଏକତାର ପ୍ରତୀକ ଥିଲେ ।କିନ୍ତୁ ତାଙ୍କୁ ଢାଲ କରି ଦେଶରେ ଜାତି ଓ ଧର୍ମ ନାରେ ବିଭାଜନ କରୁଛନ୍ତି କିଛି ଅସାମାଜିକ ତତ୍ତ୍ଵ। ବାବାସାହେବ୍ କେବଳ ଦଳିତ ମାନଙ୍କ ନେତା ବୋଲି ଆଖ୍ୟା ଦେଉଥିବା ବ୍ୟକ୍ତି ମାନେ ଜାଣିବା ଦରକାର ସେ ହଉଛନ୍ତି ଭାରତର ମହାନାୟକ।ବାବାସାହେବ୍ ରାଷ୍ଟ୍ରୀୟ ଅଖଣ୍ଡତା ପାଇଁ ଜୀବନ ସମର୍ପଣ କରିଦେଲେ କିନ୍ତୁ ତାଙ୍କ ଫୋଟୋ ବ୍ୟବହାର କରି ଦେଶ କୁ ଖଣ୍ଡ କରିବାରେ ଲାଗିଛନ୍ତି ।ଭାରତୀୟ ଯୁବସମାଜ ବାବାସାହେବ୍ ଦେଖିଥିବା ସ୍ୱପ୍ନ ପୂରଣ କରିବା ପାଇଁ ଏକ ହେବାକୁ ପଡ଼ିବ ଓ ଦେଶର ସମାନତା ,ଉନ୍ନତି ପାଇଁ ଜୀବନ ପଣ କରିବାକୁ ପଡ଼ିବ ।ଆଜିର ଯୁବସମାଜକୁ ଜାତିବାଦ ,ସ୍ଥାନବାଦ , ଧର୍ମବାଦରୁ ଉର୍ଦ୍ଧରେ ରହି ରାଷ୍ଟ୍ରବାଦକୁ ଗ୍ରହଣ କରିବାକୁ ପଡ଼ିବ ।

ବୁଦ୍ଧଦେବ ବାଘ

ସମ୍ବଲପୁର

୯୩୩୭୦୯୭୪୪୫

Think Ravenshaw

Tuesday, 20 April 2021

Red Empire Memories

Tuesday, 13 April 2021

ରାଷ୍ଟ୍ର ଋଷି ବାବା ସାହେବ ଆମ୍ବେଦକର

Red Empire Memories

Report Abuse

Labels